LIMBAH Zaleha malahirakan, Palui dapat gawian maambil upah mangatam di Palingkau sana. Tulamak wan Garbus umpat jua tulakan.
“Alhamdulillah artinya, kita dapat gawian bus ai. Dasar rajaki anak,” ujar Palui
“Bujur Lui ai, kulihan maujik kada sabarapa, amun maambil upah mangatam kawa haja gasan sabulan dua bulan barasnya,” ujar Garbus
“Banih di sini baik-baik lah, urang bahuma bujur-bujur harat,” ujar Tulamak
“Palingkau ni matan bahari terkenal wan kulihan barasnya mak ai, makanya aku katuju bila dapat gawian disini,” ujar Palui.
“Ikam tu kada barasnya nang katuju Lui ai, bakas gandak ikam ada disini jua badiam,” ujar Garbus mambuka rahasia Palui.
“Kada kawa diapa-apai jua Bus ai, karna sudah jadi ampun urang,” ujar Tulamak manambahiakan.
Sahari, dua hari Palui masih basumangat banar bagawi. Tapi limbah satangah bulan bagawi Palui mulai pina rancak taungut.
“kanapa Lui? Kami lihat ikam matan samalam pina taungut haja. Pina banyak nang dipikirakan,” ujar garbus maitihi kalakuan palui.
“aku sadih Bus ai, aku kaganangan wan anakku,” ujar Palui.
“Jangan sadih Lui ai, kami gin baisian anak jua. Tapi kami tatap ceria,” ujar Tulamak mambisai Palui.
“Lusa kaina kita bulikan jua, badapat haja wan anak ikam nang hanyar lahir samalam,” ujar Garbus.
“Sabujurnya aku kada kaingatan anakku, tapi kaingatan wan jalan anakku,” ujar Palui taungut pulang.
“anak ikam balum bisa bajalan lui ai, umurnya baluman sabulan, baluman bisa baapa-apa,” ujar Tulamak mamadahi Palui.
“Ikam ini nang kada-kada haja, anak balum bisa bajalan bapadah kaingatan jalan anak,” ujar Garbus bingung.
“Bujur aku kaingatan banar wan jalan anakku itu,“ ujar Palui lagi.
Lawas kakawalannya mamikirakan panderan Palui itu. Ahirnya Tulamak bakakajutan bakuciak:
“Paham aku, paham aku sudah. Palui lawas parai Bus ai, inya kaingatan wan jalan kaluar anaknya, alias ampun umanya,” ujar Tulamak tatawa lucut manawakaan Palui nang taungut sadih. (bpost/fai)
“Alhamdulillah artinya, kita dapat gawian bus ai. Dasar rajaki anak,” ujar Palui
“Bujur Lui ai, kulihan maujik kada sabarapa, amun maambil upah mangatam kawa haja gasan sabulan dua bulan barasnya,” ujar Garbus
“Banih di sini baik-baik lah, urang bahuma bujur-bujur harat,” ujar Tulamak
“Palingkau ni matan bahari terkenal wan kulihan barasnya mak ai, makanya aku katuju bila dapat gawian disini,” ujar Palui.
“Ikam tu kada barasnya nang katuju Lui ai, bakas gandak ikam ada disini jua badiam,” ujar Garbus mambuka rahasia Palui.
“Kada kawa diapa-apai jua Bus ai, karna sudah jadi ampun urang,” ujar Tulamak manambahiakan.
Sahari, dua hari Palui masih basumangat banar bagawi. Tapi limbah satangah bulan bagawi Palui mulai pina rancak taungut.
“kanapa Lui? Kami lihat ikam matan samalam pina taungut haja. Pina banyak nang dipikirakan,” ujar garbus maitihi kalakuan palui.
“aku sadih Bus ai, aku kaganangan wan anakku,” ujar Palui.
“Jangan sadih Lui ai, kami gin baisian anak jua. Tapi kami tatap ceria,” ujar Tulamak mambisai Palui.
“Lusa kaina kita bulikan jua, badapat haja wan anak ikam nang hanyar lahir samalam,” ujar Garbus.
“Sabujurnya aku kada kaingatan anakku, tapi kaingatan wan jalan anakku,” ujar Palui taungut pulang.
“anak ikam balum bisa bajalan lui ai, umurnya baluman sabulan, baluman bisa baapa-apa,” ujar Tulamak mamadahi Palui.
“Ikam ini nang kada-kada haja, anak balum bisa bajalan bapadah kaingatan jalan anak,” ujar Garbus bingung.
“Bujur aku kaingatan banar wan jalan anakku itu,“ ujar Palui lagi.
Lawas kakawalannya mamikirakan panderan Palui itu. Ahirnya Tulamak bakakajutan bakuciak:
“Paham aku, paham aku sudah. Palui lawas parai Bus ai, inya kaingatan wan jalan kaluar anaknya, alias ampun umanya,” ujar Tulamak tatawa lucut manawakaan Palui nang taungut sadih. (bpost/fai)
0 comments:
Post a Comment